Wednesday, November 18, 2009

කොපන්හෙගන්: කාබන් විමොචනය පිරිමැසීමට වන්ද්‍යකරණය?

කොපන්හෙගන් පරිසර සමුළුව සමඟ නැවතත් ලෝක උණුසුම්වීම පිළිබඳ උණුසුම් කතිකාවක් ආරම්භ විණ. ලෝකයේ වැඩිම කාබන් විමොචකයා ලෙස සලකන ඇමරිකා එක්සත් ජනපදය සුපුරුදු පරිදි, කියොටෝ සම්මුතිය මෙන් අත් සොදා ගෙන ලෝකයේ අනෙකුත් රටවල් වලට කාබන් විමොචන ප්‍රශ්නයට පිළිතුරු සෙවීමට ඉඩ හැර ඇත. සිඝ්‍රයෙන් කාබන් විමොචනය කරන ප්‍රමාණය සංඛ්‍යත්මක ලෙස වැඩි කරන චීනය හා ඉන්දියාව පවසන්නේ, සංවර්ධිත රටවල් පළමුවෙන් ආදර්ශය දෙමින් කාබන් විමොචනය පිරිමැසිය යුතු ය. ඔවුන් වැඩිදුරටත් පවසන්නේ, අනෙක් අතට, මෙතරම් බරපතල ප්‍රශ්නයක් ඇති කිරීමට, වායු දූෂණ කළ සංවර්ධිත රටවල් ඒ සඳහා වන්දි වශයෙන් තත්ත්වය නිවැරදි කිරීමට පියවර ගත යුතු බව ය. එහෙත් ආත්මාර්ථකාමී ඇමරිකාව මුළුමන්නන් ම පරිසර සම්මේලනය වර්ජනය කිරීමේ ස්වභායක් දක්නට ඇත. එයට හේතුව ලෙස ඔව්හු දක්වන්නේ සෙනෙට් සභාවේ පවතින නෛතික ලියවිල්ලකි.

දැන් කාබන් විමොචනය නව අතකට යොමූ වී ඇත. ඒ ජනතාව පාලනය කොට ඔවුන් විසින් විමොචනය කරන්නා වූ කාබන් ප්‍රමාණය අවම මට්ටමක පත් කිරීමයි. ඒ සඳහා ඉරානය හා ඉන්දියාව වැනි රටවල කාන්තාවන් දැනුමාති කොට, වන්ද්‍යකරන්ය හා උපත් පාලනය ඇති කිරීම එක්සත් ජාතින්ගේ සමුළුවේ අලුත් යෝජනාවකි. මෙසේ කිරීමෙන් අධික ජනතාවක් විසින් පරිහරණයේ දී ඇති වන කාබන් ප්‍රමාණය සැලකිය යුතු ලෙස අඩුවන බව ඔවුන් කිය යි. ඔවුන්ගේ උපකල්පනය ජනග්‍රහණය අඩු වූ විට ඔවුන් පරිහරණය කරන රථවාහන, ගුවන් ගමන්, මාංශ ආහාර හා වෙනත් කාබන් ආශ්‍රිත ද්‍රව්‍ය අඩුවන බව ය. ආසියාතික හෝ ඉරානය වැනි රටක ජනතාවගේ ක්‍රියාකාරික්වය නිසා විමොචනය වන කාබන් ප්‍රමාණය සැලකිය යුතු අයුරින් අඩු ප්‍රමාණයක් ගනි. මෙහි එනම් මා ජීවත්වන ඇමරිකාවේ ඩලස් නුවර (මා සිටින තැනේ සිට) සෑම තප්පර 5න් 5ට ගුවන් යානයක් ගුවන් ගත වේ. ඒය හරියට 138, 103, 100 හෝ 145 (155) හෝ එවැනි බස්රථ ගමන් වාර සංඛ්‍යාවට සමාන ය. මෙයට අමතර ව සෑම ඇමරිකානුවක්‍ ම කාර් එකක් භාවිත කරයි; එක් වාහනය සිටින්නේ බොහෝ එක් අයෙකු පමණි.

දැන් එක්සත් ජාතින් ගේ සමුළුම මේ තනන්නේ, මුලීක ප්‍රශනයෙන් පිට පැන. ගෝණ හමට තැලීමක් නොවේ ද? වන්ද්‍යකරණය හා පවුල් සැලසුම් ක්‍රම හඳුන්වා දෙමින් දැන් ඔවුන් අඩුකරන්නට තනන්නේ තුන්වන ලෝකයේ හෝ සංවර්ධනය වෙමින් පවතින රටවල ජනතාව ය. සංවර්ධිත රටවල පවතින සේවක හිඟය පියවීමට, ශ්‍රමය ආයනය කරන තත්ත්වයක වෙසෙන ඔවුන් ප්‍රශ්නය (බෝලය) අපගේ දෙසට දමා ගසා ඇත. දැන් ලෝකයේ උණුසුම මකන්නට තුන්වන ලෝකයේ මතු පරපුර ගප්සාවට බඳුන් විය යුතු ය.

අනේ මෙහෙමත් මෝඩ වැඩ...ඇමරිකාව හීලෑ කරගත නොහැකි පරිසර සමුලුව දැන් පය බරවාට පිටකර බෙහෙත් බඳිති.

චැනල් ෆෝ ප්‍රවෘත්තිය බලන්න:


2 comments:

  1. මොවුන් මෙතෙක් කල් සංවර්ධනයට පැමිණියේ ද අනෙකා පාගාය.දැන් ඒ සඳහා ඔවුන් මිහිතලයට කළ විනාශයට වන්දි ගෙවන්නට කියන්නේද අනෙකාටය.මෙයට එරෙහිව අපට කුමක් කළ හැකිද?
    ඔබගේ දැනුවත් කිරීම බෙහෙවින් අගයමි.

    ReplyDelete
  2. යටත් විජිතවාදයේ අළුත්ම පැතිකඩ තමයි මේ.

    ReplyDelete

Related Posts with Thumbnails

ලොව පැරණිතම මත්කාරකය: බලකාමය

බලකාමය යනු ලොව පැරණිතම මත්කාරකය යි. ඉතිහාසය තුළ බලකාමයෙන් මත් වී රටවල්, ජනතාවන්, ජාතින් බුරුතු පිටින් විනාශ කිරීම සිදු වි ය. තිසරානී ...