ලංකාවේ
මිනිසුන්ගේ විශේෂයෙන් කාන්තාවන් ගේ පහසුවෙන්
රැවටෙන සුළු බව ප්‍රකාශ වන්නේ 1955හි පැවති පූර්ණ සුර්යග්‍රහණය සමඟ පැතිරුණු රුව
වඩවන කෙමක් පිළිබඳ ප්‍රචාරයන් තුළින් ය. ජොතිෂ්‍යවරුන් පැවසුවේ පුර්ණ සුර්යග්‍රහණ
අවස්ථාවේදී වද කහ වලින් තැනූ පානයක් ගැනීමෙන් ක්ෂණික ලෙස රූපසම්පත්තිය ලබන බව ය.
මේ මුළාව ප්‍රදාරය කිරීමට ඒ කාලයේ ජනමාධ්‍යයත් එකිනෙකට පරයා ප්‍රකාශන කටයුතු කළේ
ය. අවසානයේ සුර්යග්‍රහණය ඇති වූ දිනයේ වද කහ සුදියෙන් මත් වී, රෝගාතුර වූවන් ගෙන්
රෝහල් පිරී ගියෝ ය. නුතනයේ පවා ගැයෙන "බිව්වා නේද වදගහ සුදිය මැයෙන්"
බයිලා ගීයක් ද තැනිණි.
වත්මනනේ වඳ
පෙති කතාවත් එසේ ම වූ මිත්‍යාවකි. වඳ කිරීමේ රසානයන් ඉස දෙනු ලබන යට ඇඳුම් මගින්
වන්ධ්‍යකරණය පත් කිරීම වැනි මිත්‍යවකි. සෞඛ්‍යසේවා අධ්‍යක්ෂක ජනරාල් විශේෂඥ වෛද්‍ය
අනිල් ජයසිංහ පවසා සිටියේ "මනුෂ්‍යයන් සම්බන්ධව සලකන විට වෛද්‍ය විද්‍යාත්මක
වන්ද්‍යකරණය ලෙස ලෙස සැලකෙන්නේ ප්‍රජනන හැකියාව සදාකාලිකව අහිමි කිරීම ය. බටහිර
වෛද්‍ය විද්‍යාවට අනුව වන්ධ්‍යකරණය සඳහා ඇති එකම ක්‍රමය ශල්‍යකර්මයකි. කාන්තාවන්
සඳහා එල්.ආර්.ටී. සැත්කම ද පුරුෂයන් සඳහා වාසෙක්තමි සැත්කම ද වේ. වන්ධ්‍යකරණය සඳහා
මේ දක්වා බටහිර වෛද්‍ය විද්‍යාවේ ඖෂධ ක්‍රමයක් සොයා ගෙන නැත (රාවය, 2018.03.11,
පිටු 12).
ලංකිකයන් හට
මුස්ලිම්
සතුරා ඉදිරිපත් කළේ සෝම හාමුදුරුවන් ගේ බණවලින් ය. එහිදී සිංහලයන් ජනවර්ගයක් ලෙස
වඳ වෙමින් පවතින බව ප්‍රකාශ විණි. ඒ සඳහා කළ යුතු කාර්යය ලෙස උන් වහන්සේ ප්‍රකාශ
කළේ දරුවන් පොදි ලෙස ඉපැද්ද වීම ය. පසුකාලීන වශයෙන් මුස්ලිම් සතුරා නිර්මාණය කළ
හිමිවරු ද දහම් පාසල්වල දරුවන්ට දරුවන් රෝතු පිටින් වදන්නයි අවවාද අනුශාසනා කළ
සේක. මෙවා වර්ගවාදී දේශපාලන ව්‍යාපෘතින් ගේ නිර්මාණයන් ය. ඒහි ආර්ථික පැති කඩක් ද
ඇත්තේ ය. මේ සඳහා මුදලින් උපකාර කළේ මුස්ලිම් ව්‍යාපාර අල්ලා ගැනීමේ ආශාවෙන්
පෙළුණු වෘාපාරික ප්‍රජාවකි. තමුන්ගේ කාලකන්නිභාවය හිට්ලර් ජුදෙව්වන් මත පැටවූවාක්
මෙන් මේ වර්ගවාදී "සිහල ලේ" ඇත්තන් මුස්ලිම් ප්‍රජාවට පටවන්නට උත්සහ කළේ
ය. ධර්මපාල වැන්නවුන් විසින් මුස්ලිම් ප්‍රජාව කෙරෙහි වෛරය ඇති කරවන ප්‍රකාශ කියා
තිබුණු ලෙස "සිංහලයන් ගසා කන පරදේසක්කාරන්" යන්න සමාජ ගත කරන්න නූතන
ධර්මපාලවරු උත්සහ කළ හ. මේ සඳහා අඳින පළදින ආකාරය (බෞද්ධ ළමුන් ද ළමා සාරි කියා
හැටේ දශකයේ පමණ කළ ඇඳුම් නිර්මාණයක් අදිති), සමඟිය හා ජනව්‍යාප්තිය වැනි සාධක
මගින් මහා පිදුරු රකුසෙකු නිර්මාණය කළේ ය.
සිංහල ජාතිය
ක්‍රමයෙන් වන්ධකරණයකට පත්වන්නේ දැයි ජන සංඛ්‍යා ලෙඛන දෙස බැලීමෙන් කරුණු පහදා ගත
හැකි ය. වික්ටර් අයිවන් හා චානුක වත්තේගම විසින් ජනවාර්ගික වර්ධනය පිළිබඳ මනා ලිපි
රාවය පුවත් පතට ලියා ඇත. වික්ටර් අයිවන් විසින් රචිත "රට හම්බයන්ගෙන් බේරා
ගැනීම" නැමති ලිපියේ වගුවක් තුළින් ජනවාර්ගික වර්ධනය මැනවින් දක්වා ඇත්තේ ය (රාවය,
2018.03.11, පිටුව 07).
වික්ටර්
අයිවන් දක්වන්නේ 2017 වර්ෂය දක්වා ජනවර්ධන අනුපාතය 0.913%කි. එයින් ද සිංහල
අනුපාතය 74.9%, දෙමළ අනුපාතය 11.2%, මුස්ලිම් අනුපාතය 9.2%, උඩරට දෙමළ 4.2% වෙයි.
ඓතිහාසික
වශයෙන් ජයග්‍රහණ වර්ධනය සැලකූ කල, 1911-2012 දක්වා වර්ධනයට ප්‍රතිශත 66.13% (1911)
සිට 78.88% (2012) වර්ධනයක් දක්නට ඇත්තේ ය. මෙනයින් කැපී පෙනෙන ලෙස සිංහල
ජනවර්ධනයක් දක්නට ඇත්තේ ය. එහෙත් සාපෙක්ෂ වශයෙන් මුස්ල්ම් වර්ධනය 5.70% සිට 9.23% දක්වා
වර්ධනයක් දක්නට ඇත. එහෙත් උඩරට දෙමළ හා ලංකික දෙමළ ජනතාවගේ අනුපාතය කැපී පෙනෙන සේ
පහත වැටී ඇති අතර එයින් මුස්ලිම් ප්‍රතිශතය අනුපාතයේ පහත වැටීමේ ප්‍රතිපලයක් ලෙස
වර්ධනයක් දක්නට ඇත. දෙමළ ජනතාවගේ අනුපාතය 25.79% (1911) සිට 15.37% (2012) දක්වා
පහත වැටි ඇත.
 |
| මූලාශ්‍රය: 2.4 Population by Ethnic Group, Census, Years, පිටුව 8 (http://www.statistics.gov.lk/Pocket%20Book/chap02.pdf). |
වසර 100ක් තුළ
දෙමළ ජනතාවගේ වැටීමේ අනුපාතය 10.47% කි.
මෙයට ප්‍රධාන හේතුව වන්නේ විදේශ ගත වීමත් තිස් අවුරුදු යුද්ධයත් මෙසේ ලංකාවේ දෙමළ
ජනතාවට හේතු විය හැකි ය. මුස්ලිම් වරුන්ගේ අනුපාතයේ වර්ධනය 3.53% කි. සිංහල ජනතාව
ගේ වර්ධනය 12.75%කි. අනෙක් පාර්ෂවය ලෙස පහත වැටී ඇත්තේ වෙනත් හෙවත් සුළු ජාතීන් ය.
මෙයට ප්‍රධාන හේතු විය හැක්කේ 1960-1970 දශකයන් ගේ බර්ගර් ජනතාවට කළ අඩම්‍තේට්ම්
නිසා රට හැර යාම් නිසා ය.
පසුගිය
අවුරුදු 100ක් ඇතුළ සිංහල ජනතාවගේ කැපී පෙනෙන වර්ධනයක් ඇති බව ජන සංඛ්‍යා ලේඛන
දත්තවලින් පෙනේ. එහෙයින් ගංගොඩවිල සෝමි හිමියන් වැන්නවුන් විසින් සමාජ ගත කරන්නට
යෙදුණු සිංහල ජනතාවගේ පහත වැටීම පිළිබඳ අදහස මිත්‍යවකි. අවාසනාවකට මේ පිළිබඳ කැපී
පෙනෙන ලෙස ජනතාවගේ සිත් නිවැරදි කිරීමට කිසිවෙකු සමත් නොවීම රටෙහි අවාසනාවන්ත
කමකි.
ඒ නිසා ජාතියේ
නාමන් ධාමරික ක්‍රියා කිරීමටත්, වෙනත් ජාතීන්ගේ දේපළ වස්තුන් මංකොල්ල කෑමත් (1956,
1958, 1983දී මෙන්), ඒ තුළින් දියුණු වීමටත් අප අනිසි ලෙස අන්තවාදී කණ්ඩායම්වලට
අවස්ථාව දී ඇත. මෙය ජාතියේ අවාසනාවකි.
මෙවැනි මිත්‍යවන්
ප්‍රචාරය කිරීමට පූජ්‍ය පක්ෂය, සමහර අන්තවාදී බුද්ධිමතුන්, ගෝත්‍රවාදී හා ආගම්වාදී
සාහිත්‍යධරයන් හා දිවයින වැනි දේශපාලන දෘෂ්ටියෙන් උම්මත්ක වූ කිසිඳු වගකීමක් නොමැති පුවත්පත් මෙවැනි අදහස් කිසිඳු
බාධාවක් නොමැති ව ප්‍රචාරය කරති. එහෙත් සත්‍ය දන්නෝ නිශ්ශබ්ද වීම එයටත් වඩා
කේදවාචිකයකි.
ලිපිය පලල වැඩිකරලා , මොබයිල් වර්ශන් එකකුත් ආවානං පංකාදු හතයි
ReplyDeleteස්තූතියි! මම උත්සහ ගෙන බලන්නම්. . .
ReplyDeleteGood post. There is another version to your "WADAKAHA" story. According to that, not only women, men also drank that wadakaha drink. They drank it in a hope of seeing the eclipse better.
ReplyDeleteNow I can tell you some serious stuff. Ven. Gangodawila Soma thero was expelled from Sprinvale(Melbourne) temple in Australia in early nineties due to his bad deeds. I know as a fact, all the details behind that incident, but as a lay person I am not happy to criticise a Buddhist monk. I am really surprised how Sri Lankans gather behind a monk, who being expelled from a temple due to inappropriate behaviour.
Thank you Sam for the info. However, it is sad to see that no one counter these kind of myths that later promulgated to some kind of ethnic conflicts. Thanks again for your encouragement and Commenting. Best Regards!
ReplyDelete